Presidenti Ilir Meta, i është kundërpërgjigjur kryeministrit Edi Rama përmes zëdhënësit të tij, Tedi Blushi lidhur me çështjen e ndryshimeve kushtetuese.
Në një postim në “Twitter”, kreu i qeverisë deklaroi se listat do hapen nga Kuvendi i Shqipërisë me “ligj dhe zakon”, ndërsa shtoi se askund nuk bëhet me referendum ndryshimi i sistemit.
Blushi theksoi se në Shqipëri kanë ndodhur 2 referendume, ku ka fituar populli.
“Pse kaq frikë nga populli? Në Shqipëri kanë ndodhur DY REFERENDUME dhe në të dyja herët ka fituar POPULLI. Padyshim edhe REFERENDUMIN E TRETË DO TA FITOJË POPULLI. Sepse në Republikën e Shqipërisë, SOVRANITETI I PËRKET POPULLIT dhe vetëm atij. Mos kini frikë nga populli!”, shkruan Tedi Blushi në reagimin e tij.
