Një sasi lënde plasëse ka shpërthyer këtë të martë në zonën e Balldrenit
Sipas informacioneve paraprake, shpërthimi ka ndodhur në një sipërfaqe toke të hapur, në një zonë ku ndodhen disa grumbuj gurësh. Fatmirësisht, nga ngjarja nuk raportohet për persona të lënduar apo dëme materiale.
Burime nga vendngjarja bëjnë me dije se policia ka shoqëruar një person për veprime të mëtejshme hetimore, ndërsa po punohet për zbardhjen e plotë të rrethanave dhe motiveve të kësaj ngjarjeje.
Mësohet se toka ku ka ndodhur shpërthimi është në pronësi të fisit Nikulaj.
Grupi hetimor dhe ekspertët po vijojnë verifikimet në terren për të përcaktuar llojin e lëndës plasëse dhe qëllimin e vendosjes së saj.
