Kryeministri Edi Rama, duke folur për situatën kritike që ndodhet vendi si pasojë e koronavirusit, ka shpalosur edhe planin financiar për të përballuar vështirësitë që priten të krijohen nga kjo situatë e vështirë.
Kreu i qeverisë publikoi një plan me 7 pika, që në total shkon në afro 300 milionë euro, ku përshihen fonde për Ministrinë e Shëndetësisë, ndihma për njerëzit në nevojë, fonde për pagat e privatit si dhe falje kamatvonese.
EDI RAMA
KRYEMINISTER I SHQIPERISE
Së pari 2.5 mld lekë për luftën në vijën e zjarrit për pajisje dhe mbështetje për personelin.
10 miliarde lekë për garanci sovrane për kompanitë që kanë vështirësi për pagat.
6.5 miliarde lekë për nevojat imediate për shtresat në nevojë, për biznesin, papunësinë etj.
2 miliarde lekë për Ministrine e Mbrojtjes dhe operacionin humanitar.
1 milard lekë për qeverinë për cdo urgjencë.
Efekti për zerimin e kamatvonesa do të jetë 15 miliardë lekë dhe do të përfitojnë 211.024 abonente.
Do të riskedulojmë tatim fitim për të gjithë biznesin, tarife qe do te shkoje nga 2-14 miliade lekë.
Me pak shpresë u është drejtuar Rama qytetarëve duke thënë se nuk dihet se kur do të mbarojë kjo luftë. Ndërkohë pas planit A, Rama tha se qeveria ka plane të tjera. Sipas tij, nëse situata e krijuar nga koronavirusi shkon deri në 6 muaj, atëhere do shkojmë në planin D, plan që asnjë nuk e ka deri më tani.
Jo unë, por askush në botë, nuk e dimë se deri kur vazhdon kjo luftë prandaj edhe plani ynë do të jetë, A me një rezervë B dhe një C dhe nëse armiku nuk do të largohet për 6 muaj do të vijmë te një plan D, Zoti e di se cfarë forme ka një plan D. Askush nuk e ka një plan të shkruar. Të gjithë besojnë se kjo cudi do të zgjasë 3 muaj.
Rama ka njoftuar edhe përgjysmimin e rrogës së Këshillit të Ministrave dhe të deputetëve, ndërkohë që rroga e Presidentit tha nuk do të preket. Në luftën kundër koronavirusit, duket se ka edhe një armëpushim mes Ramës dhe Metës. Kreu i qeverisë e falenderoi publikisht presidentin e vendit për ndihmën e dhënë kundër koronavirusit.
Nuk do të prekim asnjë pagë përvec të këshillit të ministrave dhe deputetëve që do të marrin gjysëmn e rrogës deri në fund.
Presidentit do ti bëj një falenderim se po ndihmon si duhet e me sa mundet në këtë situatë.
Rama nuk la pa ironizuar edhe kryedemokratin Lulzim Basha duke thënë se ekonomia jonë nuk mund të zbatojë ëndrrat opozitare apo atyre që nuk dinë tablat e shumëzimit.
