Inter arriti të triumfonte me vuajtje përballë Empolit duke fituar në shtëpi me rezultatin 2 me 1 dhe duke siguruar biletën në Champions për sezonin e ardhshëm.
Keita dhe Nainggolan arritën t’I jepnin fitoren ekipit te Sapallettit duke fundosur Empolin në serinë B.
Por edhe pse arriti të siguronte pjesmarrjen në Ligën e Kampionëve, Spalletti duket se është gati të mbyllë aventurën me Inter.
Corriere dello Sport bën me dije se në stolin e Inter do të ulet Antonio Conte dhe zyrtarizimi do të bëhet të mërkurën.
Beppe Marotta ka arritur të bind ish-teknikun e Chelsea dhe Juventus që të marrë drejtimin e zikaltërve për sezonin e ardhshëm.
Conte, sipas Corriere dello Sport, është nisur drejt Kinës ku do të takohet me presidentin Zhang ku dhe do të flasë për kushtet e kontratës.
