Kryeministri, Zoran Zaev gjatë një bisede telefonike që ka pasue me sekretarin gjeneral të NATO-s, Jens Stoltenberg, duket se ka biseduar mbi votimin e parlamentit për ndryshimet kushtetuese në Maqedoni.
Në këtë komunikim Stoltenberg ka shprehur urimet dhe mbështetjen e tij për suksesin dhe në zbatimin e mëtutjeshëm të Marrëveshjes së Prespës.
“Sekretari gjeneral i NATO-s ka përshëndetur vendimin e guximshëm, të madh dhe në interes të shtetit, të deputetëve dhe i ka përcjellur kryeministrit Zaev se në NATO janë të gëzuar që Republika e Maqedonisë vazhdon përpara, dhe ka shtuar se në atë drejtim përcjell përgëzime edhe për bisedimet qasëse të përfunduara me sukses më 18 dhe 19 tetor në Bruksel për anëtarësim në Aleancë dhe ka porositur se NATO mbetet e fokusuar në përfundimin e procesit të integrimit të vendit në Aleancë”.
Ndërkohë nga ana tjetër kryeministri, Zaev e falenderoi sekretarin gjeneral të NATOS-s për mbështetjen, dhe u pajtua se deputetët mposhtën dallimet partiake për të mirën e shtetit dhe bënë një vendim të rëndësishëm.
Gjithashtu shefi i qeverisë e ka informuar sekretarin gjeneral të NATO-s se procesi pritet të përfundojë në janar, pas së cilës Republika e Maqedonisë do të jetë në gjendje të marrë vendin e saj në NATO.
