Në sajë të kontrollit të vazhdueshëm për cilësinë e produkteve ushqimore AKU gjobit katër subjekte që tregtonin vaj ulliri të falsifikuar.
Sipas njoftimit të AKU-së subjektet që janë gjetur në shkelje kryesisht në Tiranë. Subjektet që tregtonin vaj ulliri të falsifikuar ishin “Saranda Al” me Nipt L21303004C, furnizimi i lot-it me datë skadence 31.12.2019, “Jolant Shpk” me Nipt L52318026U me skadence 20.2.2020, “Leart Iljazi” (Qeparo) me Nipt L66906501J me adresë Vlorë me prodhimi 01.05.2018 dhe “O & B/ Ylli Saraci” me Nipt K81318012E me adresë Tiranë, me skadence 7.3.2020.
Konkretisht, produkti me emërtim “vaj i ullirit” i lot-eve të sipërpërmendur i prodhuar e tregtuar nga këto subjekte rezultoi se nuk përputhen karakteristikat e vajit të ullirit siç është emërtuar në etiketë, pra në secilin rast produkti ka qenë i manipuluar duke shtuar edhe përbërës tjerë.
Ndaj këtyre subjekteve u mor masa administrative gjobë, 400 000 lekë si dhe bllokimin e sasisë së vajit në objekt me qëllim kryerjen e ekzaminimeve laboratorike.
