Fatos Çoçoli, ekspert ekonomie vlerëson se shqetësimet e evidentuara nga indeksi i Dhomës Amerikane duhet të shërbëjnë si një busull orietimi për politikbërësist që të përmirësojnë klimën ekonomike në vend.
Sipas tij, Shqipëria është në rregull me ligjet dhe rregullat në letër, por çalon në zbatimin e tyre.
“Për mua konkluzionet e anketës ishin të pritshme dhe të natyrshme. Nuk mund të përsërisim cdo vit të njëjtat shqetësime. Kjo tregon që gjërat pak ose aspak po përmirësohen. Shqetësimet e biznesit janë një karton i verdhë për të gjithë klasën politike. Janë shqetësime që kanë mundësi të përmirësohen. Mjafton që të kenë vullnet. Mjafton që të dialogojnë me sipërmarrjen”, tha Çoçoli në Vizion Plus.
Por pse monopolet dhe konkurrenca e pandershme mbetet një nga shqetësimet e para në listë të komunitetit të biznesit?
“Kur flasim për anëtar të Dhomës Amerikane flasim për bzinese të mëdha që janë dhe me kapital të huaj. Sot një biznes i huaj duhet me patjetër të njohë dike që të shmangë burokracitë shtetërore dhe të mund të bëhet pjesë e tregut. Bizneset e huaja serioze nuk e kanë këtë kulturë. Ato kërkojnë më shumë transparencë, jo tendera të paracaktuar, pra më shumë konkurrencë”, tha Çoçoli.
Konkluzinet e anketës i përkasin vitit 2025. Por ndërkohë situata aktuale me protestat qytetare dhe me pasigurinë për ecurinë e mëtejshme janë një tregues se edhe në vitin e ardhshëm atmosfera do të jetë me të njëjtin trend.
/vizionplus.tv
