Rrëzohet helikopteri në Arabinë Saudite, humbin jetën 14 persona
Katërmbëdhjetë persona humbën jetën kur një helikopter u rrëzua në Arabinë Saudite, raportuan mediat shtetërore të dielën.
Helikopteri, që i përkiste gjigantit shtetëror të naftës Aramco, u rrëzua në qytetin bregdetar lindor të Ras Tanurës duke vrarë të gjithë personat në bord, sipas Agjencisë Saudite të Shtypit.
Të 14 viktimat ishin shtetas sauditë, raportoi agjencia, ndërsa hetimet janë duke u zhvilluar për të përcaktuar shkakun e rrëzimit, shkruan BBC.
Ministria saudite e energjisë shprehu ngushëllimet e saj me familjet e viktimave.
Ras Tanura është shtëpia e një rafinerie të madhe nafte Aramco, një nga më të mëdhatë në Lindjen e Mesme.
Kompania kishte rinisur ngarkimin e naftës bruto në vend të premten pas një pauze pothuajse katërmujore për shkak të luftës në Lindjen e Mesme.
