Mungesa e vitaminës D sjell një sërë problemesh shëndetsore dheështë shkaku i shfaqjes së shumë sëmundjeve
Nga depresioni deri tek kanceri, shumë sëmundje lidhen edhe me mungesën e vitaminës D. Gjithashtu është e rëndësishme që në këto situate të mos krijoni panik dhe filloni të pini ilaçe, por konsultohuni fillimisht me mjekun për t’u siguruar nëse po merrni lëndët ushqyese të nevojshme.
Më poshtë do ju njohim me sëmundjet kryesore që lidhen drejtpërdrejt me mungesën e vitaminës D.
Obeziteti
Obeziteti pengon trupin të përdor vitaminën D si nga rrezet e diellit ashtu edhe nga burimet ushqimore, duke qenë se grumbullohet tek qelizat dhjamore dhe nuk përthithet siç duhet në të gjithë trupin. Thënë ndryshe: Obeziteti e përkeqëson mungesën e vitaminës D.
Diabeti
Sipas një studimi spanjoll të publikuar në vitin 2015, njerëzit që vuajnë nga diabeti dhe prediabeti kanë nivele më të ulëta të vitaminës D krahasuar me ata me nivele normale të sheqerit në gjak. Si njerëzit e dobët ashtu edhe ata obezë që vuajnë nga diabeti kanë nivele më të ulëta të vitaminës D. Megjithatë, shkencëtarët mendojnë se mungesa e vitaminës D dhe obeziteti së bashku mund të rrisin rrezikun e diabetit dhe çrregullimeve të tjera metabolike.
Rënia e flokëve
Gratë që vuajnë nga rënia e flokëve kanë nivele shumë të ulëta të vitaminës D. Kjo vitaminë është shumë e rëndësishme që rritja e flokëve të kalojë në të gjitha ciklet. Vitamina D madje mund të ndihmojë jo vetëm në parandalimin e rënies së flokëve, por kalimin nga një fazë e rënies në fazën e rritjes. Sa më të ulëta të jenë nivelet e vitaminës D, aq më shumë përkeqësohet sëmundja.
Depresioni
Sipas studimeve të shumta të realizuar nëpër botërezulton se, studentet të cilat kishin nivele të ulëta të vitaminës D ishin më të rrezikuara që të shfaqnin simptoma të diabetit. Një analizë tjetër që i është bërë më shumë se 31 mijë subjekteve kërkimore gjithashtu ka zbuluar të njëjtën lidhje. Shkencëtarët shpresojnë që suplementet e vitaminës D të ndihmojnë në lehtësimin e simptomave të depresionit.
