Presidenti amerikan Donald Trump ndërpreu një bisedë telefonike me kryeministrin homoseksual të Irlandës, për të komplimentuar një gazetare, që ndodhej në zyrën ovale në Shtëpinë e Bardhë.
Duket se buzëqeshja e saj ka tërhequr vëmendjen e Trump, që nuk ka nguruar ta pyesë se për kë stacion raportonte, përpara se t’i rikthehej bisedës me Leo Varadkar.
“Kemi shumë përfaqësues nga shtypi irlandez, juve nga jeni? Afrohuni. Kemi njerëz kaq të bukur nga shtypi irlandez. Ajo buzëqesh kaq bukur. Vë bast se të trajton mirë…”
Komentet shkaktuan të qeshura mes gazetarëve dhe vetë protagonistja, korrespondente nga Uashingtoni e nje televizioni irlandez e postoi videon në rrjetin social Twitter, duke e cilësuar këtë episod të çuditshëm.
Kaq ka mjaftuar që të vërshojnë komentet dhe kritikat në rrjetet sociale për sjelljen e Trump, ndërsa disa media nuk nguruan ta quajnë flirtim të tij me gazetaren.
Gjatë fushatës presidenciale, Trump u akuzua nga disa gra për ngacmime seksuale, akuzat që asokohe u hodhën poshtë prej tij dhe u konsideruan pjesë e komplotit për ta dëmtuar ne zgjedhje.
