Lasgush Poradeci ka më shumë se 19 mijë dorëshkrime që nuk janë njohur më herët, por që nga sot, ato mund të gjenden në Arkivin e Shtetit.
Marie dhe Kostandina Gusho, dy vajzat e Lasgush Poradeci, kanë dhuruar bashkë me shumë dokumente e kujtime të tij, edhe imazhin e poetit të ulur buzë liqenit që thur vargje.
Poezitë që e bëjnë Lasgush Poradecin të pavdekshëm janë ato të peizazhit dhe të dashurisë.
Këtë e ka theksuar edhe ministrja Kumbaro, e cila ishte e pranishme gjatë dhurimit të arkivit të poetit.
Koleksioni i dorëzuar në Arkivin e Shtetit përmban jo vetëm dorëshkrime, certifikata e dekorata të poetit lirik, por edhe pulla poste e kartëmonedha të grisura që Lasgush Poradeci koleksiononte.
Dorëshkrime 19.308 fletë
- Shtypshkrime 8.562 fletë
- Gazeta 3.662 fletë
- Revista 26 copë
- Fotografi dhe kartolina 1.606 copë
- Ftesa dhe telegrame 315 fletë
- Partitura 296 fletë
- Harta 14 fletë
- Kartëmonedha të grisura 8 copë
- Dekorata 11 copë
- Certifikata 7 fletë
- Pulla poste 12 copë
