Nje përplasje mes SHBA dhe Rusisë, ka vene ne pikëpyetje zbatimin e armëpushimit ne Siri, qe ka hyre ne fuqi thuajse prej nje jave. Shkak është bere vrasja e 80 ushtareve siriane nga nje sulm ajror i forcave te koalicionit te drejtuar nga SHBA, qe bombarduan pozicionet e forcave te presidentit Bashar Al Assad. Ne nje deklarate te komandës qendrore amerikane, thuhej se sulmi nuk ishte i qëllimshëm, por kishte ndodhur gabimisht, pasi besohej se ne shënjestër ishin vene luftëtaret e ISIS. Megjithatë, Rusia, aleate e Sirisë, kërkoi mbledhje urgjente te Këshillit te Sigurimit te Kombeve te Bashkuara, çka ka rritur tensionet. Mbrëmjen e se shtunës përfaqësuesit e dy vendeve shpërfillen njeri-tjetrin duke u larguar gjate fjalimeve respektive. Kërkesa e Rusisë per mbledhjen e këshillit u kritikua nga ambasadorja amerikane ne OKB, Samantha Power. “Regjimi i Assad ka sulmuar qëllimisht civile, por asnjëherë ne ato raste Rusia nuk ka shprehur zemërim, nuk ka kërkuar hetime, apo konsultime emergjente ne Këshillin e Sigurimit”, tha Powell. Por ambasadori rus ne OKB, Vitali Churkin tha se është vene ne pikëpyetje e ardhmja e armëpushimit. Me herët ministria ruse e Mbrojtjes, tha se sulmi ndaj ushtareve siriane ishte dëshmi e refuzimit te Uashingtonit per te bashkëpunuar me forcat ruse, qe mbështesin trupat e Assad.
