Tre persona, mes tyre edhe një ish-mësues i shkollës së mesme në Shënkoll, u arrestuan nga policia e Lezhës, me akuzat e trafikimit te drogës. Gjate operacionit te koduar “arbeit” u arrestua 46-vjeçari Fatmir Ndreca, Sabri Zyba dhe Petrit Gjoka. Ne momentin e arrestimit Ndreca u paraqit si mësues, por pas verifikimeve rezultoi se ai ka qenë më parë dhe është përjashtuar nga mësimdhënia. Gjate kontrollit të automjetit të tyre, policia sekuestroi 340 cigare, brenda të cilave ishin kamufluar 555 doza marijuanë, 56 kubik bimë të kultivuara në gota plastike të dyshuara si narkotike, 1 automjet fuoristrade”si dhe 1 armë gjahu me leje. Sipas policisë bimët e kultivuara në gota plastike dhe arma e gjahut u sekuestruan në banesën e ish-mësuesit.
