Shpërthen bombola e gazit në Kamëz

Shpërthimi i një bombole gazi ne banese për pak sa nuk i ka marrë jetën një të moshuare në Kamëz. Ngjarja ndodhi rreth orës 08:30 te së martës, kur e zonja e shtëpisë ka ndezur bombolën per te gatuar. Si pasojë e shpërthimit ajo ka mbetur e plagosur dhe është dërguar menjëherë në urgjencë. Zjarrfikësit kanë ndërhyrë për shuarjen e flakëve që ka përfshirë fillimisht kuzhinën e shtëpisë. Ndërkohë në banesë mbërritën edhe përfaqësues te Inspektoratit Shtetëror Teknik, nga verifikimet e te cilëve rezulton se bombola ishte jashtë standardit. Që nga fillimi i viti e deri tani ky është rasti i katërt i shpërthimeve të bombolave të gazit. Plagosja e 30 personave në Pogradec nje prej te cilëve nuk mbijetoi, vdekja e një djali 4-vjeçar në Tiranë, shpërthimi me plagosje në një byrektore në Tiranë jane keto pasojat tragjike te përdorimit te bombolave, te cilat kanë nxjerrë në pah problemet për tregtimin e këtij produkti.