Një aksident rrugor është shënuar rreth orës 05:00 të mëngjesit të së martës në aksin rrugor Maliq-Pogradec, pranë fshatit Sovjan.
Sipas informacioneve paraprake, aksidenti ka ndodhur pasi drejtuesi i autoambulancës së Spitalit të Korçës ka humbur kontrollin mbi mjetin, duke u përplasur me një automjet tip “Nissan”, me targa greke.
Si pasojë e përplasjes ka mbetur i plagosur drejtuesi i automjetit me targa greke, emigrant shqiptar që sapo ishte kthyer në atdhe për pushime. Ai është transportuar me urgjencë në Spitalin Rajonal të Korçës, ku, sipas burimeve pranë spitalit, ndodhet jashtë rrezikut për jetën.
Fatmirësisht, në autoambulancë nuk kishte pacientë që po transportoheshin, ndërsa drejtuesi i saj nuk ka pësuar lëndime serioze.
Policia ndodhet në vendngjarje dhe po punon për zbardhjen e plotë të rrethanave dhe shkaqeve të aksidentit.identit.
