Gjashtë persona janë vrarë dhe katër të tjerë janë plagosur në sulmet me raketa të Ukrainës në rajonin Belgorod të Rusisë gjatë natës.
Mes tyre kishte edhe fëmijë, tha guvernatori i rajonit, Igor Babushkin, ndërsa si pasojë e sulmeve u dëmtuan ndërtesa banimi dhe automjete.
Babushkin shkroi në Telegram se sulmi kishte në shënjestër një strukturë industriale, por që ajo nuk ishte dëmtuar.
Nga ana tjetër, edhe në Ukrainë, dy persona mbetën të vrarë si pasojë e sulmeve ruse me dronë gjatë natës në rajonin Sumi, pranë kufirit.
Një sulm tjetër në qytetin portual të Odesës, në Detin e Zi, dëmtoi një anije civile dhe plagosi katër persona.
Goditjet e kësaj të hëne vijnë pas një shkëmbimi masiv gjatë fundjavës, kur Rusia goditi një fabrikë çeliku në Ukrainë, ndërsa Kievi shënjestroi kompaninë më të madhe të shitjes me pakicë ruse, Wildberries.
Rreth 15 persona mbetën të vrarë nga të dyja palët, të cilat akuzojnë njëra-tjetrën për shënjestrimin e civilëve.
