Presidenti ukrainas, Volodymyr Zelensky është tallur me operacionet ushtarake të Rusisë, duke thënë se Kremlini, për më shumë se katër vjet, kishte vendosur dhe shtyrë 15 afate për pushtimin e rajonit lindor të Donbasit.
Komentet e Zelenskyt vijnë si një përgjigje ndaj refuzimit nga Presidenti rus Vladimir Putin një ditë më parë të asaj që udhëheqësi i Kremlinit e përshkroi si një propozim ukrainas për të braktisur sulmet me rreze të gjatë veprimi dhe për të zvogëluar luftimet.
Ai tha se komentet e Putinit tregojnë se ai nuk i kupton ndjenjat e rusëve që përballen me radhë në pikat e karburantit, të cilat lidhen me një fushatë sulmesh ukrainase ndaj objektivave të industrisë së naftës.
“Edhe një shtet prodhues nafte, një ‘stacion karburanti’ siç quhet shpesh Rusia, tani po përballet me mungesa karburanti. Kjo është një pasojë e drejtpërdrejtë e luftës. Një nga shumë pasoja. Është gjithashtu një shembull se si reagon Ukraina me saktësi, jo përmes terrorizmit.“, tha ai.
