Sporti shqiptar humbi një nga figurat e veta më të mëdha në disiplinen e volejbollit. Kreshnik Tartari një prej personaliteteve më të mëdha në historine e volejbollit tonë u nda nga jeta në moshën 83-vjeçare si pasojë e një sëmundje të rëndë në San Marino.
Kreshnik Tartari luajti dhe fitoi trofe si sportist me Skënderbeun, Dinamon dhe ekipin kombëtar ku arriti të renditej mes katër skuadrave më të mira të Europës një herë si lojtar dhe tri herë si trajner i ekipit legjendar të vajzave të Dinamos.
Kontributi dhe vizioni i tij i madh në volejbollin shqiptar u shoqëruan me suksese që kanë lënë gjurmë të mëdha në dekadat e angazhimit jo vetëm si sportist por veçanërisht si trajner.
