Komisionerja Europiane për Zgjerimin, Marta Kos, pas takimit të 8-të ndërqeveritar për anëtarësimin e Shqipërisë deklaroi se Shqipëria ka shënuar një hap të rëndësishëm në procesin e anëtarësimit në BE, duke vlerësuar reformat e ndërmarra ndër vite.
Ajo veçoi procesin e vettingut dhe ngritjen e institucioneve të reja të drejtësisë, duke theksuar rolin e SPAK.
Sipas Kos, ky proces shënon një moment të ri për integrimin europian të vendit.
Marta Kos: Jemi këtu për të shënuar një hap të madh të procesit të anëtarësimit të Shqipërisë. Pas Malit të Zi, Shqipëria është vendi i dytë që ka arritur të plotësojë piketat e ndërmjetme. Puna juaj e 10 viteve ka rezultuar e suksesshme. Hapa përparimi janë hedhur që shqiptarët të kenë një shtet të rregullt. Kemi parë ngritjen e SPAK, që është institucioni flamurtar në Shqipëria, që mund të japë rezultate dhe mund të bëhet institucioni i besueshëm. Fuqia e anëtarësimit të BE duhet të ndjehet nga qytetarët e BE. Duke arritur këtë gur kilometrik, arritja e sotme çel një fazë të re për integrimin dhe bën të mundur që Shqipëria të ecë drejt rrugës për mbylljen e grupkapitujve., Do të vazhdojmë të mbështesim punën e Shqipërisë për mbylljen e negociatave deri në vitin 2027.
/vizionplus.tv
