Gjyqtari i Apelit të Posaçëm, Florjan Kalaja i ftuar në studion e emisionit “Quo Vadis” të moderatores Pranvera Borakaj, ka shpjeguar procesin se si një kriminel mund të bëhet bashkëpunëtor i drejtësisë dhe kur është momenti kur ndërhyn gjykata në këtë proces.
Pjesë nga biseda:
Borakaj: Është e vështirë për të bërë një kriminel bashkëpunëtor të drejtësisë? Dalin vullnetarë kryesisht?
Kalaja: Unë këtë proces e njoh vetëm teorikisht, duhet të më mirëkuptoni sepse, sigurisht, prokurorët dhe oficerët e policisë gjyqësore e kanë më të jetësuar. Kurse gjyqtari e ka më të filturuar informacionin për të kuptuar që në gjenezë se si ndodhi që dikush u rekrutua nga ana e botës së krimit, në anën e mjeteve të ligjshme të shtetit për të luftuar kriminalitetin. Kam hezituar ta trajtoj në libër si bashkëpunëtori i drejtësisë vendos të shkëputet nga bota e krimit, jo se nuk kam interes, por sepse kredenciali im është i juristit, nuk është formimi im i duhuri. E rëndësishme është të kuptohet motive që shtyhu një person të botës së krimit të bashkëpunojë me shtetin të mos jetë vetëm privilegji penal, që dmth ai të nxitet kundrejt benefiteve ligjore që të gënjejë. Moment kritik që gjykata ndërhyn është vlerësimi nëse motivi që ka shërbyer si determinant për të përcaktuar vullnetin e bashkëpunëtorit të drejtësisë, të mos jetë vetëm qëllimi i përfitimit, ai të mos përdorë gënjeshtrën, apo të mos jenë motivet e hakmarrjes kundrejt personave që ka patur bashkëpunëtorë. Anomali të tilla sjellin rritjen e marzhit të gabimit gjyqësor, që mund të dënohen persona të pafajshëm, apo mund të dënohen persona jo për atë që kanë kryer. Dhe kjo nuk duhet të ndodhë.
/vizionplus.tv
