Gjyqtari i Apelit të Posaçëm, Florjan Kalaja i ftuar këtë të martë në studion e QUO VADIS në Vizion Plus është shprehur se sistemi i drejtësisë ka nevojë për një proces të përhershëm rivlerësimi dhe jo për reforma të përkohshme, duke theksuar se institucionet duhet të vazhdojnë në mënyrë permanente kontrollin dhe vlerësimin e kandidatëve.
Ai deklaroi se përsosja e institucioneve të drejtësisë mbetet elementi kryesor për garantimin e funksionimit të sistemit.
Sipas tij, vettingu nuk duhet parë si një proces i përkohshëm, por si një mekanizëm i vazhdueshëm rivlerësimi për sistemin e drejtësisë.
Kalaja: Nuk kishim nevojë që të krijonim institucione të jashtëzakonshme, institucione të përkohshme siç është Komisioni i Pavarur i Kualifikimit, Kolegji i Apelimit, Operacioni Ndërkombëtar i Monitorimit, por mjafton të përsosnim institucionet që janë kushtetuese, që do të thotë Këshillin e Lartë Gjyqësor, Këshillin e Lartë të Prokurorisë, inspektorin e Lartë të drejtësisë apo Këshillin e Emërimeve në drejtësi, shkollën e magjistraturës, domethënë të gjithë këto organe. Këto t’i reformojmë në mënyrë permanente. Do duhet të ushtrojnë do duhet të ushtrojnë këtë procesin e vlerësimit të kandidatëve që janë gjyqtarë apo prokurorë apo ato që do duhet të përparojnë karrierë. Që do të thotë se vetitng do duhet të jetë kjo vlerësimi. Do duhet të jetë i vazhdueshëm shtetëror dhe i ushtrueshëm nga organet kushtetuese natyrore të shtetit. Jo nga zgjidhje që vijnë nga institucione të përkohshme dhe nga institucione që nuk garantojnë traditën dhe vijimësinë, sepse shteti nuk mbyllet me një lloj reforme kalimtare. Do duhet që të jetë të konceptohet si e vazhdueshme dhe e ushtrueshme në mënyrë të pakohshme.
/vizionplus.tv
