Eliminimi i Henrit nga Ferma VIP ka sjellë reagime dhe në Ferma Club. Pas humbjes së sfidës nga Bujaku ditën e hënë, Henri dhe Blerina shkuan në një televotim kokë më kokë, ku publiku vendosi se cili prej tyre do të linte përfundimisht fermën.
Me shumicë votash, publiku vendosi largimin e Henrit, duke i ndërprerë rrugëtimin drejt çmimit të madh. Vendimi ka shkaktuar diskutime të shumta, pasi Henri konsiderohej si një nga fermerët më aktivë dhe më të komentuar të këtij edicioni.
Në studio, Albano reagoi ashpër ndaj rezultatit të televotimit. “Henri ishte një nga njerëzit më aktivë të fermës. Nëse publiku vazhdon të heqë njerëz vetëm për një fjalë, do mbeten vetëm njerëz mbi 45 vjeç”, u shpreh ai.
Ai ngriti edhe akuza ndaj, duke përmendur një video të Blerinës që sipas tij duhej të kishte sjellë penalizim. “Nuk e di pse e fsheh produksioni. Blerina duhet të ishte përjashtuar për atë klipin që ka dalë, ku përdor fjalor banal. Për çfarë e nxorën në televotim Fabjolën? Për një fjalë. Minimumi këtë duhet të kishin bërë me Blerinën”, tha ai.
Largimi i Henrit ka ndarë publikun në rrjet, ndërsa mbetet për t’u parë se si do të ndryshojnë dinamikat në fermë pas eliminimit të një prej personazheve aktiv të shtëpisë.
/vizionplus.tv
