Kriza politike brenda Partisë Laburiste në Mbretërinë e Bashkuar po thellohet, pasi Ministrja për Strehimin, Komunitetet dhe Qeverisjen Vendore, Miatta Fahnbulleh, dha dorëheqjen dhe kërkoi hapur largimin e kryeministrit Keir Starmer nga drejtimi i partisë.
Në letrën e dorëheqjes, ajo kritikoi ashpër qeverinë duke thënë se ajo nuk ka arritur të përmbushë pritshmëritë e qytetarëve pas fitores në zgjedhje.
Sipas saj, qeveria nuk ka vepruar me “vizionin dhe shpejtësinë e duhur” dhe nuk ka treguar qartësi në vlerat e saj politike.
🚨 BREAKING: Junior Minister Miatta Fahnbulleh has resigned from Keir Starmer’s Government pic.twitter.com/XgvXWLEsg4
— Politics UK (@PolitlcsUK) May 12, 2026
Fahnbulleh deklaroi gjithashtu se vendi po përballet me sfida të mëdha dhe se qytetarët kërkojnë ndryshime të thella, por sipas saj Starmer nuk është më në gjendje ta udhëheqë këtë proces.
Dorëheqja e saj vjen në një moment tensioni të lartë brenda laburistëve, pas humbjeve në zgjedhjet lokale dhe rritjes së mbështetjes për partinë Reform UK të Nigel Farage.
Ndërkohë, raportohet se disa anëtarë të qeverisë dhe rreth 80 deputetë laburistë po i bëjnë presion Starmerit që të caktojë një afat për largimin e tij. Kryeministri ka deklaruar se do të vazhdojë në detyrë dhe se synon të përfundojë mandatin e tij.
Situata brenda partisë mbetet e paqëndrueshme, ndërsa përfliten edhe emra të mundshëm për ta zëvendësuar nëse do të hapet gara për lidership.
