Ky që shihni në foto është Endri Goxhaj, 30-vjeçari i cili u vra mbrëmjen e kësaj të marte në Memaliaj me armë zjarri.
Sipas policisë, viktima është qëlluar me armë nga 29-vjeçari Donald Nela. I plagosur ka mbetur edhe vëllai i këtij të fundit, 25-vjeçari Dalio Nela.
Ngjarja ka ndodhur në zonë të banuar, duke shkaktuar panik te qytetarët.
“Rreth orës 20:50, në Memaliaj, dyshohet se pas një konflikti, shtetasi D. N., 29 vjeç, ka qëlluar me armë zjarri shtetasin E. G., 30 vjeç, i cili ka humbur jetën rrugës për në spital.
I plagosur, në rrethana ende të paqarta, ka mbetur edhe vëllai i autorit të dyshuar, shtetasi D. N., 25 vjeç, jashtë rrezikut për jetën.
Autori i dyshuar, pas ngjarjes, është larguar me automjet. Shërbimet e Policisë janë vënë në ndjekje të tij.
Ndërkohë, është ngritur një grup i posaçëm hetimor, në drejtimin e Prokurorisë, për sqarimin e rrethanave dhe dokumentimin ligjor të ngjarjes”, njofton policia.
/vizionplus.tv
