Spektakli “Albania’s got talent” ka hyrë tashmë në fazën vendimtare.
Pas dy puntatave të jashtëzakonshme, ku talentet e përzgjedhur nga juria gjatë audicioneve sollën interpretime befasuese, sot pritet një tjetër mbrëmje magjike.
Grupi “Toxic Record” dhe “ALBA Folk” u bënë dy finalistët e radhës që iu bashkuan konkurrentëve për në finalen e madhe të spektaklit “Albania’s got talent”. Por cilët do të jenë dy talentet e radhës që do të bindin jurinë për t’u bërë pjesë e finales këtë mbrëmje?
Këto përzgjedhje mbeten sigurisht sfiduese për Agron Llakajn, Adelina Ismajlin, Elsa Lilën dhe Kastro Zizon, pasi do duhet të që të zgjedhnin mes më të mirëve.
Edhe kjo gjysmëfinale e tretë premton emocione të bukura, surpriza dhe performanca që vetëm spektakli “Albania’s got talent” di të dhurojë.
Ky prodhim i Vizion Plus vijon të mbetet spektakli i rekordeve televizive, ku në qendër të saj mbetet talenti.
Rrethi sa vjen dhe ngushtohet. Ndaj për të zbuluar se cilët do të jenë 4 finalistët e fundit “Albania’s got talent” ju fton sonte në mbrëmje në orën 21.00 vetëm në ekranin e Vizion Plus.
/vizionplus.tv
