Në 65-vjetorin e krijimit të Bazës Ajrore të Kuçovës, ministrja e Mbrojtjes, Olta Xhaçka ka deklaruar se sot kjo bazë është aset i Forcave të Armatosura.
Në një postim në “Facebok”, Xhaçka ka publikuar një video ku theksohet partneriteti i ngushtë i Shqipërisë me NATO-n, ndërsa Komanda Supreme e Forcave të Aleancës në Europë ka zgjedhur Kuçovën si të vetme bazë të saj në Ballkanin Perëndimor.
“Baza Ajrore e Kuçovës në 65-vjetorin e krijimit të saj është më pranë ringritjes se kurrë. Jam krenare që arritëm ta fusim këtë aset të Forcave tona të Armatosura në rrugën pa kthim të shndërrimit të saj në një bazë të NATO-s. Madje në bazën e vetme të Aleancës në Ballkanin Perëndimor. #65VjetBazaAjroreKuçovë. Video: Përgatitur pak kohë më parë në bashkëpunim me Komandën Supreme të Forcave të Aleancës në Europë (Supreme Headquarters Allied Poëers Europe (SHAPE), ditën e zyrtarizimit të projektit për Kuçovën”, shkruan Xhaçka.
