Portreti i këtij fëmije të gjakosur është kthyer në simbolin e aktivistëve dhe mbështetësve të opozitës siriane, të cilët kërkojnë armëpushimin e menjëhershëm dhe prurjen e ndihmave humanitare ne Alepo.
Bëhet fjalë për 5-vjeçarin Omran Dagnesh, fëmija i cili arriti të shpëtojë rrënojave të një ndërtese të shkatërruar nga bombardimet ajrore ruse. Fotoja e tij ka bërë xhiron e botes në rrjetet sociale. Krahas tij, edhe vëllezërit dhe prindërit e 5-vjeçarit i shpëtuan sulmeve.
I dërguari i Kombeve të Bashkuar për Sirinë, i beri thirrje palëve për armëpushim. Ai tha se brenda 48 orëve duhet të dërgohen ndihmat ne veshmbathje, ushqime e mjekime per civilët e prekur nga sulmet ne Alepo.
Prej kohesh, Rusia ka ndërmarrë një seri sulme ajrore duke goditur grupet që luftojnë për rrëzimin e Bashar al Assad.
