Presidenti i Ukrainës, Volodymyr Zelenski, deklaroi të premten se Kievi është i gatshëm të nënshkruajë një marrëveshje paqeje me Shtetet e Bashkuara dhe Rusinë, nëse arrihet një akord përpara se të nisë java e ardhshme.
Sipas Zelenskijt, një marrëveshje që do të përfundonte konfliktet ushtarake në Ukrainë mund të ratifikohej në Davos të Zvicrës, gjatë Forumit Botëror Ekonomik (19-23 janar), ku pritet të marrin pjesë liderë ndërkombëtarë, përfshirë edhe presidentin amerikan Donald Trump.
Ai gjithashtu theksoi se një delegacion ukrainas është nisur drejt SHBA-ve për të zhvilluar bisedime mbi garancitë e sigurisë dhe një paketë masash për mirëqenien, duke synuar gjithashtu të marrë qartësi mbi qëndrimin e Rusisë.
“Ukraina ka nevojë për garanci sigurie që do të zgjasin më shumë se mandati i Trump-it,” tha Zelenski, duke kritikuar Moskën për vonesa në përpjekjet për paqe dhe duke shtuar se ultimatumet nuk janë mënyra për të ushtruar diplomaci.
/vizionplus.tv
