Ambasadorja e SHBA Yuri Kim është takuar ditën e sotme me guvernatorin e Bankës së Shqipërisë Gent Sejko.
Kryediplomatja amerikane e ka uruar guvernatorin për mandatin e dytë në krye Bankës së Shqipërisë.
Në vijim të bisedës në fokus ishte situata ekonomike post Covid-19 në Shqipëri dhe mjedisi kompleks i krijuar tashmë për shkak të tensionit gjeopolitik nga sulmi ushtarak i Rusisë ndaj Ukrainës. Guvernatori u shpreh se pas një rikuperimi të fortë të ekonomisë shqiptare që pasoi pandeminë gjatë vitit 2021, këtë vit, ekonomia jonë po përballet me sfidën e re ndërkombëtare, atë të rritjes së çmimeve.
Kujtojmë se Gent Sejko është zgjedhur për herë të dytë Guvernator i Bankës së Shqipërisë, pas një mandati 7-vjeçar në krye të këtij institucioni. Sejko siguroi 103 vota pro, 1 deputet votoi kundër dhe një tjetër abstenoi, nga 104 ligjvënës që ndodheshin në sallë në momentin e votimit. Ai drejton Bankën e Shqipërisë që prej 5 shkurtit të vitit 2015.
