Policia gjermane arrestoi këtë të shtunë një shtetas kosovar, i cili dyshohet të ketë vrarë gruan e tij. Ngjarja ndodhi në Minfeld, ku u bë i mundur edhe arrestimi i shqiptarit.
Mediat vendase shkruajnë se ai e kishte vrarë gruan e tij me armë zjarri dhe e kishte futur në bagazhin e makinës. Kosovari u arrestua nga policia teksa po drejtonte makinën. Efektivët i kërkuan atij të ndalonte makinën për një kontroll rutinë dhe ai doli nga mjeti me armë në dorë.
Në këtë moment, atij ju vunë në prangat. Ndërsa pas kontrollit të ushtruar në makinë, u gjet edhe trupi i pajetë i bashkëshortes në bagazh.
