Një shpërthim misterioz pneumonie në Kinë ka çuar në një rritje masive të urgjencave në spital. Sipas Radios Kombëtare të Kinës, spitali i fëmijëve i Pekinit po viziton mesatarisht 7,000 pacientë në ditë.
Gazetari Edison Myrteza, në një lidhje të drejtpërdrejtë nga Kina me emisonin “7pa5” në Vizion Plus ka dhënë detaje në lidhje me virusin, i cili për momentin duket se nuk është alarmant.
Aktualisht, të infektuar janë vetëm fëmijët, dhe pavarësisht se nuk dihet shkaku që nuk janë prekur moshat e tjera, situata nga autoritetet shëndetësore nuk kosniderohet alarmante.
Myrteza: Nuk është ngritur alarm, sepse nuk janë kapur të gjitha moshat, por vetëm fëmijët. Është një virus që kalon. Ministria e Shëndetësisë ka kërkuar që shkollat të fillojnë pushimet e dimrit disa dtë para pushimeve normale. Për momentin pavarësisht se ka shumë të infektuar, nuk ka asgjë për tu shqetësuar.
Gazetari tha se për momentin nuk dihet nga ka ardhur virsui dhe ekspertët janë duke punuar për të gjetur shkakun. Gjtihashtu po mendohet dhe po punohet edhe për një vaksinë.
Myrteza: Është menduar për të pasur një vaksinë dhe po punohet në disa qendra. Nuk dihet ende pse janë moshat e vogla që janë prekur me këtë lloj virusi dhe jo moshat e dyta apo të treta. Për momentin nuk raportohet për fatalitete. Temperatura është një nga simptomat kryesore dhe kolla e vazhdueshme. Është marrë një masë, duke pasur edhe eksperiencë nga Covidi, spitalet janë pajisur me medikamente mjekësore, me staf të shtuar. Për momentin nuk është një pandemi./vizionplus.tv
