Inspektorati Kombëtar i Mbrojtjes së Territorit ka shembur mesditen e kësaj të enjteje një pallat 6-katësh në Durrës.
Për këtë operacion janë hapur 300 vrima në trupin e objektit dhe u përdoren 2.5 kilograme lëndë eksplozive c4. Pas ekspertizës, objekti ka rezultuar me dëmtime të shumta pas tërmetit të nëntorit të kaluar.
Si pasojë e lënies hapur të dritareve nga ana e banorëve, u dëmtuan disa xhama në një prej pallateve që ndodhej shumë pranë objektit të prishur.
Ndërkohë, IKMT po vijon punën me prishjen e godinave të dëmtuara nga tërmeti i 26 nëntorit, për t’i hapur rrugë ndërtimit të objekteve të reja për qytetarët.
