Nje jave pasi vendimi i parlamentit per rihapjen e garës per organet e vetingut ka hyre ne fuqi, ende nuk ka asnjë date se kur ky proces do te nise. Avokati i Popullit nuk ka shpallur garën per aplikantet e rinj dhe as nuk u ka bere thirrje 79 kandidateve qe kane marre vlerësim pozitiv nga Operacioni Ndërkombëtar i Monitorimit, qe te plotësojnë dokumentacionin.
Burime pranë ketij institucioni bëjnë me dije, se sot ka përfunduar dorëzimi i dosjeve te 192 kandidateve nga ana e kuvendit. Dhe tashme do te ngrihen 2 komisione me përfaqësues nga Parlamenti dhe Avokati i Popullit per te verifikuar dokumentacionin e te gjithe dosjeve te aplikanteve. Vetëm pas përfundimit te këtij procesi, do te mund te zbatohet vendimi i Parlamentit për rihapjen e garës per organet e vetingut.
