Këtë të diel, vendi ynë do të ndikohet nga masa ajrore të nxehta dhe të qëndrueshme, duke sjellë mot kryesisht të kthjellët në të gjithë territorin. Herë pas here do të ketë vranësira të pakta kalimtare, kryesisht në zonat malore.
Era do të fryjë me drejtim juglindje–jugperëndim me shpejtësi mesatare rreth 7 m/s. Përgjatë vijës bregdetare, veçanërisht në bregdetin jugperëndimor dhe në zonat luginore, era pritet të forcohet, duke arritur shpejtësi deri në 14 m/s.
Në det, valëzimi do të jetë i ulët, me forcë 1-2 ballë.
