Gjykata e Sarandës ka vendosur 45 ditë burg për skafistin 31-vjeçar Ermal Fataj, i cili dyshohet se vrau në Ksamil me mjetin e tij lundrues, 15-vjeçaren ruse Ksenia Riok. Fataj do qëndrojë në qeli deri në daljen e aktit të ekspertimit të fijeve të flokut të cilat u gjetën ne helikën e skafit te tij. Trupa gjykuese ka pranuar kërkesën e Prokurorisë, pas paraqitjes së provave, të cilat ngarkonin me faj të arrestuarin. Por Fataj nuk ka pranuar akuzat ndaj tij. Ai pretendoi se nuk kishte asnjë dijeni per goditjen fatale ndaj adoleshentes nga Rusia. I akuzuari kërkoi nga gjykata hetim te plote dhe gjykim te drejte.
