YouTuberi i njohur Daniel Rotar (Zone of Tech) përfundoi në Spitalin e Traumës në SHBA pasi unaza inteligjente Galaxy Ring e Samsung-it filloi të fryhej në mënyrë të rrezikshme në gishtin e tij. Ngjarja ndodhi gjatë një udhëtimi, ndërsa bateria e pajisjes nisi të fryhej dhe shtrëngoi gishtin deri në atë pikë sa nuk mund të hiqej më.
Pavarësisht përpjekjeve për ta larguar me sapun dhe ujë, gjendja u përkeqësua dhe Rotar nuk u lejua të hipte në avion. Në spital, mjekët përdorën akull dhe lubrifikant mjekësor për ta hequr unazën pa dëmtuar më tej gishtin. Ai ndau gjithçka në rrjetin X, ku postoi edhe foto të pajisjes së dëmtuar, duke deklaruar se nuk do të përdorte më unaza inteligjente.
Ahhh…this is…not good.
My Samsung Galaxy Ring’s battery started swelling. While it’s on my finger 😬. And while I’m about to board a flight 😬
Now I cannot take it off and this thing hurts.
Any quick suggestions @SamsungUK @SamsungMobileUS? pic.twitter.com/LOO1kSlQUw
— Daniel (@ZONEofTECH) September 29, 2025
Pas incidentit, Rotar zbuloi në Reddit se edhe përdorues të tjerë kishin raportuar raste të ngjashme me baterinë e Galaxy Ring. Disa pohuan se Samsung kishte ofruar zëvendësime falas për pajisjet me probleme.
Samsung reagoi duke thënë se siguria e klientëve është prioritet dhe se rasti është i rrallë. Kompania ka marrë pajisjen për hetime dhe ka kompensuar YouTuber-in për shpenzimet e papritura.
