Hassan Nasrallah
Hassan Nasrallah

Udhëheqësi i grupit militant libanez Hezbollah kërcënoi të mërkurën se do të synojë ishullin evropian të Qipros nëse shpërthen lufta midis Izraelit dhe Libanit.

“Qiproja do të jetë gjithashtu pjesë e kësaj lufte nëse hap aeroportet dhe bazat e saj për forcat izraelite”, tha Hassan Nasrallah në një fjalim televiziv që erdhi vetëm një ditë pasi Izraeli paralajmëroi grupin e fuqishëm militant të mbështetur nga Irani se perspektiva e luftës gjithëpërfshirëse po afrohej, raporton CNN. 

Lexo edhe :

Related Posts

Është hera e parë që lideri i Hezbollahut kërcënon Qipron, një anëtare e Bashkimit Evropian që shtrihet në detin Mesdhe, afërsisht 125 milje (200 kilometra) nga Libani, dhe që ka zhvilluar stërvitje të përbashkëta ushtarake me Izraelin që nga viti 2014 deri në vitin e kaluar.

Tensionet midis Hezbollahut dhe Izraelit janë rritur që nga sulmet e Hamasit të 7 tetorit dhe fushata ushtarake që pasoi nga Forcat Mbrojtëse të Izraelit në Gaza. Javët e fundit, intensiteti i sulmeve ndërkufitare mes të dyve është rritur, duke ngritur shqetësime mbi perspektivën e një lufte të plotë.

Këto perspektiva morën një kthesë për keq të martën, kur Hezbollahu shfaqi një video 9-minutëshe të filmuar nga një dron që tregon vendndodhjet civile dhe ushtarake në dhe rreth një prej qyteteve më të mëdha të Izraelit, Haifa. Videoja bëri që Ministri i Jashtëm izraelit, Israel Katz, të paralajmëronte për një “luftë gjithëpërfshirëse” në të cilën “Hezbollahu do të shkatërrohet dhe Libani do të goditet rëndë”.

“Armiku e di se asnjë vend në të gjithë (shtetin) nuk është i sigurt nga raketat tona. Gjithçka do të synohet qëllimisht”, tha kreu i Hezbollah në fjalimin e tij.

“Ne kemi pamje të Haifës, të periferisë së Haifës, dhe asaj që vjen pas Haifës,” tha Nasrallah.

Në përgjigje të kërcënimit nga Nasrallah, presidenti i Qipros, Nikos Christodoulides tha se ishulli “nuk ishte i përfshirë në asnjë mënyrë në konfliktet e luftës”.

“Republika e Qipros nuk është pjesë e problemit. Republika e Qipros është pjesë e zgjidhjes”, tha Christodoulides.

“Dhe roli ynë në këtë, siç tregohet përmes korridorit humanitar, njihet jo vetëm nga bota arabe, por nga komuniteti ndërkombëtar në tërësi.”/vizionplus.tv

Leave a Reply

Your email address will not be published. Required fields are marked *