Policia ka vënë në pranga një 28-vjeçar, i cili përplasi për vdekje me automjet një person, në aksin rrugor “Laç-Milot”. Fillimisht u raportuar për rrëzim aksidental, por pas hetimeve të kryera u zbulua se në fakt bëhej fjalë për një aksident. Drejtuesi i mjetit është larguar nga vendngjarja, por megjithatë është identifikuar dhe arrestuar.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.
