Kryeministri Edi Rama falenderoi Gent Cakajn që dy vitet që qëndroi në krye të Ministrisë së Jashtme.
Gjatë cerenomisë së kalimit të postit nga Cakaj tek Olta Xhaçka, kreu i qeverisë veçoi se ish-ministri ja doli, pavarësisht paragjykimeve.
“Dua ta falënderoj Gentin për gjithçka që bëri në këto 2 vjet në këtë detyrë aspak të lehtë dhe përtej faktit që u godit në mënyrë sa absurde, aq dhe të shëmtuar. Ishte i paragjykuar, por ia doli ta mbajë me sukses barrë dhe të tregojë hap pas hapi të gjitha cilësitë e tij krejt të veçanta që do të ketë kohën dhe mundësinë t’i shpalosë në të ardhmen në funksion të kësaj lidhje të pazgjidhshme me Shqipërinë dhe për paisonin e tij të politikës që unë e njoh mirë. Pasion i mbështetur jo në atë zjarrin e brendshëm të talentit politik, por edhe në kulturë dhe dije mbreslënëse.”
