Gjykata e Korçës la në burg 59 vjeçarin Anesti Sala nga fshati Pojan, i cili u arrestua tre ditë më parë për ngacmim seksual të një 13 vjeçareje.
Prokuroria kërkoi për 59-vjeçarin masën e sigurisë arrest me burg, kërkesë që u pranua nga gjykata.
Mbrojtësi i caktuar kryesisht kërkoi një masë më të butë për të akuzuarin, i cili gjatë seancës mohoi të ketë ngacmuar seksualisht të miturën.
59-vjeçari tha se ishte përdorues i rregullt i alkoolit dhe se ditën kur ishte konfliktuar me gjyshen e 13-vjeçares ka qenë në gjendje të dehur. Por familjarët e te miturës që bënë denoncimin, thanë se sala e ngacmonte vazhdimisht vajzën.
