Pas dy muajsh mori fund arratia e Daut Lazes. 49-vjeçari u arratis nga burgu i Shënkollit në Lezhë më 4 shkurt të këtij viti.
Policia njoftoi mbrëmjen e djeshme se bënë të mundur lokalizimin dhe arrestimin e Lazes pranë banesës së tij në Astir.
Lexo edhe :
Mësohet se Laze është fshehur nëpër disa xhami në Tiranë, në Fresk, Kombinat, Yzberisht, Astir. Për shkak të muajit të Ramazanit, e ka pasur më të thjeshtë të kamuflohet, pasi besimtarët i kanë ofruar ushqim dhe fjetje.
Agjentët e Komisariatit nr. 6 kishin infomacion se do të vinte në shtëpi, e kanë pritur dhe sapo ka hyrë te rrugica e kanë kapur.
Nuk dihet nëse ka qenë apo jo më parë në banesë, pasi familjarët e tij nuk kanë qenë fare bashkëpunues me policinë./vizionplus.tv
