Vitet e komunizmit kanë qenë të vështira për një pjesë të shqiptarëve, të cilët janë internuar për një “gabim” apo “rrëshkitje” të ndonjë pjesëtari të fisit.
Një fejesë e Silva Turdiut me djalin e Mehmet Shehut, Skënder Shehu, që zgjati pak javë, do të sillte një “tërmet” për gjithë fisin e vajzës, të cilët u internuan.
Diplomati i karrierës Gëzim Turdiu, ka treguar momentet e errëta të jetës së tij, ku nga student ekselent, ai u përjashtua nga shkolla dhe u internua në tunelet e Skraparit, si ushtar.
“Jo thjesht në repartet e punës, në tunelet e Skraparit, por është tjetër gjë. vështirësia e marrëdhënies me autoritetet na kaliti pak. Kjo pjesa e përjashtimit nga shkolla ka qenë shumë e rëndë, nuk diskutohet. Por në harkun e vitit 1981-nëntor 1982 që u përjashtova unë, filluam të mësoheshim me idenë që filloj e keqja dhe shpresonim të mos shkonte shumë thellë. Për mua shkoj deri tek përjashtimi nga shkolla dhe vajtja ushtar në repartet e punës. Mund të shkonte edhe më thellë dhe kjo nuk varej nga ne, por le të themi nga kapriçot e atyre që merrnin vendimet. Ishte shumë e rëndë. Në librezën time të notave ka vetëm tre 9-ta, njëra është fiskulturë, e dyta në marksizëm-lelinizëm dhe e treta nuk e mbaj mend se ku”, tha Turdiu.
/vizionplus.tv
