“Ku është babi im?” Momenti kur i biri mëson për vdekjen e të atit
Ky është momenti kur djali i viktimës, 46-vjeçarit Ismet Habili, mëson për ekzekutimin e të atit.
Teksa afrohet në vendngjarje, ai dëgjohet të thërrasë: “Ku është plaku? Ku është babai im? Ikni! Ku e kam babën? Ku është babi?”
46-vjeçari u gjet pa shenja jete brenda automjetit, në rrugën Mihal Popi, në zonën e Vasil Shantos.
Sipas raportimeve, në pjesën e përparme të makinës u konstatuan shenja plumbash.
“Më datë 20.10.2026, rreth orës 20:20, në Sallën Operative është marrë njoftim për një automjet të aksidentuar në rrugën “Mihal Popi”, në bllokun “1 Maji”.
Menjëherë pas marrjes së njoftimit, shërbimet e Policisë kanë shkuar në vendngjarje, ku kanë konstatuar brenda automjetit tip “Volvo”, shtetasin I. H., pa shenja jete, i cili dyshohet se është vrarë me armë zjarri.
Grupi hetimor, nën drejtimin e Prokurorisë, po kryen veprimet procedurale për sqarimin e plotë të rrethanave të ngjarjes”, njofton policia.
/vizionplus.tv
