Diplomati i karrierës, Gazmend Turdiu ka ndarë detaje nga karriera e tij rreth 5 vite e gjysëm në Gjermani.
Përveç vështirësive të fillimit, diplomati tregon edhe qetësinë e përjetuar nga puna me gjermantë.
Interesi i europianëve tha diplomati, është forcimi i Shqipërisë, teksa shtoi “nuk është thjesht se na duan, u duhemi”.
“Duke i mbajtur sytë hapur dhe duke dashur të mirën e këtij vendi, veprohet. Ato 5 vite e gjysëm që unë kam shërbyer në Berlin kanë qenë një shkollë e dytë diplomacie. E konfirmoj që me gjermanët është e lehtë të punosh, në kuptimin që edhe pse mund të kërkoj një kohë të gjatë për të krijuar bindjen për hapin tjetër, momentin që vendosin për të bërë hapin tjetër nuk ka kthim mbrapsht. Gjermanët janë shumë të parashikueshëm dhe të besueshëm. Dyshimi nuk të lë të bësh hapin tjetër sepse nuk e di ku të del. Kur ti e ke të qartë se çfarë synimesh ka kundërparti jot. Meqë folëm për Gjermaninë fusim edhe Zvicrën. Interesi i tyre është forcimi i Shqipërisë. Sepse është një faktor në rajon dhe është më mirë të jemi faktor stabiliteti, sesa faktor problematik. Nuk është thjesht se na duan, u duhemi”, tha Turdiu.
/vizionplus.tv
