“Trump ka bërë evazion për 18 vjet”

Pas hezitimit të kandidatit republikan Donlad Trump për të deklaruar taksat, duket se fshihet një evazion fiskal qe vijon pre 18 vitesh. Lajmi është publikuar nga mediat në SHBA, përfshi dhe “New York Times”, të cilat kanë siguruar një seri dokumentash të bizneseve të manjatit të njohur. Në këto materiale dalin në dritë të dhëna që mund të konfirmojnë se Trump u është shmangur pagesës së taksave për afro dy dekada. I menjëhershëm ka qenë reagimi i zëdhënësve të tij, të cilët nuk e kanë konfirmuar, por as përgënjeshtruar këtë qëndrim. Me herët Trump ka akuzuar “New York Times”, se me shkrimet kundër tij për çështjet e taksave është kthyer në një media në shërbim të rivales së tij demokrate Hillari Klinton. Çështja e pagesës së taksave ka qenë një nga armët më të forta të Klinton gjatë debatit të parë me republikanin Trump. Ky i fundit tha se nuk i ka publikuar ende taksat për shkak të një auditi që po zhvillohet në bizneset e tij. Donald Trump mund të kthehet në kandidatin e parë në historinë e SHBA-së që të shkojë drejt zgjedhjeve presidenciale, pa bërë publike të ardhurat dhe detyrimet ndaj shtetit.