Drejtoria Vendore e Policisë Tiranë njofton se është arrestuar një 41-vjeçar dhe një 54-vjeçar, pas një ngjarjeje të ndodhur një ditë më parë në rrugën “Llambi Bonata”.
Sipas policisë, në banesën e 54-vjeçarit G. M., ka ndodhur një konflikt i çastit, gjatë të cilit shtetasi M. T., 41 vjeç, ka qëlluar me armë zjarri dhe ka plagosur kunatin e tij, G. M. Shkak dyshohet të ketë qenë një dhunë e mëparshme fizike dhe psikologjike që 54-vjeçari kishte ushtruar ndaj bashkëshortes së tij.
Të dy personat u arrestuan nga Specialistët për Hetimin e Krimeve të Rënda në Tiranë. Ndërkohë, vijon puna për kapjen e një tjetër shtetasi të identifikuar si N. S., nip i 41-vjeçarit, i cili ndodhej në banesë në momentin e ngjarjes.
Arma e zjarrit e përdorur në plagosje është sekuestruar në cilësinë e provës materiale.
/vizionplus.tv
