Ilir Shaqiri, i cili ka dy muaj në Ferma Vip e ka shprehur herë pas here mallin që ndjen për familjen e tij, e veçanërisht për vajzën, Emily.
Vajza është pika e tij më e dobët, por një shaka e Agait “i ngriu gjakun”.
Iliri u përball me disa lajme, që nuk ishin të vërteta. Në to shkruhej se vajza e tij ishte martuar pa praninë e tij. Edhe pse me bindje të plotë tha se vajza e tij nuk do e bënte një gjë të tillë pa praninë e babait, duart po i dridheshin dhe sytë iu mbushën me lot.
Por pasi i thanë që kjo ishte një shaka, Iliri u takua me vajzën e tij Emily dhe të dashurin e saj. Mes emocionesh të forta, dy të rinjtë i dhanë lajmin e bukur, se kanë nisur të studiojnë dhe të mësojnë gjuhën shqipe.
