Presidenti i Republikës së Kosovës, Hashim Thaçi ka theksuar se shqiptarët kanë bashkëpunuar e jetuar në bashkjetesë të plotë fetare pas shkaktuar asnjë konflikt mes tyre.
I pranishëm në konferencën ndërkombëtare “Feja si një instrument për paqen” në Tiranë, Thaçi deklaroi se udhëheqësit fetërë kanë ndërtuar ura bashkëpunimi mes tyre duke përcjellë mesazhin e tolerancës dhe bashkëjetesës tek qytetarët.
“Kombi shqiptar ka dhënë dhe jep një shembull pozitiv, të mirë dhe shumë të qëndrueshëm. Kjo vlerë tradicionale duhet të ruhet dhe të pasurohet çdo ditë. Kosova ka shumë arritje. E arritura e parë është se nuk kemi lejuar në luftën për liri dhe pavarësi të implikohet feja. Luftëtarët nuk kanë lejuar asnjë ideologji të bëhet pjesë e luftës për liri dhe pavarësi. Asnjëherë nuk kemi pasur konflikt fetar. Udhëheqësit fetarë kanë ndërtuar ura bashkëpunime mes tyre, takohen në festa dhe kërkojnë rrugë bashkëpunim mes tyre dhe kështu dërgojnë mesazhin e tolerancës dhe bashkëjetesës”
I ndalur tek radikalizmi Thaçi tha se Kosova ka dëshmuar dhe do të dëshmojë me krenari që mbështet aleancën kundër ekstremizmit fetar.
“Edhe në Kosovë jemi përballur me radikalizmin. Në si shoqëri dhe si shtet kemi reaguar. Kosova do të jetë gjithmonë kundër ekstremizmit. Kemi marrë masa ndaj atyre që kanë nxitur urrejtje dhe pjesëmarrje ne luftëra të huaja. Po punojmë me të kthyerit nga luftërat. Mbajtja gjallë e frymës dhe tolerancës është sfidë dhe do të mbetet edhe në të ardhmen”