Termeti në Indonezi shkon në 14 persona numri i viktimave dhe mbi 160 të tjerë janë lënduar.
Më herët zyrtarët indonezian kishin konfirmuar 10 viktima por duket se numri i tyre është rritur. Ndërkohë mijëra shtëpi janë dëmtuar pasi tërmeti prej 6,4 shkallësh të Rihterit goditi ishullin Lombok, ka thënë Sutopo Purëo Naugroho, zëdhënës i agjencisë kombëtare për katastrofa.
Ishulli Lombok për çdo vit vizitohet nga turistë të shumtë nga e mbarë bota dhe gjendet rreth 40 kilometra në lindje të ishullit Bali.
Indonezia, që është arqipelagu më i madh në botë, shpesh goditet nga tërmetet, pasi gjendet në të ashtuquajturën “Unazë të Zjarrit”, një hark vullkanesh që gjenden në Rripin e Paqësorit.