Rregullorja për sigurimin e detyrueshëm të automjeteve mund të ndryshojë sërish.
Kjo rregullore u ndryshua në vitin 2025 duke vendosur 7 faktorë që përcaktojnë primin e sigurimit që duhet të paguajnë drejtuesit e mjeteve, mes të cilave përfshihen edhe historiku i dëmeve, qarku i regjistrimit të mjetit apo edhe mosha e drejtuesit.
Por deputeti Erion Braçe kishte kritika për këtë rregullore në komision gjatë raportimit të drejtoreshës së Autoritetit të Mbikëqyrjes Financiare, Adela Xhemali, duke theksuar se ajo nuk është në favor të konsumatorëve, por të kompanive të sigurimit.
“Ndarja gjeografike, nuk bën sens, bën sens nëse duam të shkojmë pas interesit të kompanive. Interesit tim si konsumator jo. Unë duhet të shkloj të regjistroj makinën në Berat që të marr një koeficient më të ulët? Si qenka kjo punë? Koeficientët i keni aq të ngushtë sa s’ka ku të shkojë më. Janë pak, janë ndërtuar gabim dhe kjo sjell atë që është shumë evidente, bonuset janë fare fare të vogla, edhe në klasën më të mirë, sjell një ulje 2-5%, jo më shumë se kaq. Ndërkohë që n Francë ky koeficient e çon uljen deri në 50%. Kjo sjell që reduktimi i primit mesatar të sigurimit ka qenë vetëm -2.2%. Primet në vlerë janë rritur me 13%, ndërsa nr i kontratave me 6% që tregon se ky sistemi dhe faktorët riskut nuk janë të duhurit dhe nuk kanë asnjë ndikim. Kanë ndikim te kompanitë, por jo te qytetarët”, u shpreh Erion Braçe, deputet i PS
Për të adresuar shqetësimet e ngritura nga Braçe, drejtuesja e AMF tha se në rregullore mund të ndërhyhet sërish.
“Është një rregullore e re dhe mund dhe duhet të rishikohet. Janë bërë edhe inspektime tematike, të shikomë edhe futjen në fuqi të faktorit të fundit dhe mund të bëhen ndryshime në rregullore, nr i faktorëvëe të riskut nuk është i limiturar, është minimumi i domodoshëm dhe secila kompani më pas mund të shtojë edhe faktorë të tjerë”, tha Adela Xhemali, drejtoreshë e Autoritetit Të Mbikëqyrjes Financiare.
Sipas rregullores që është në fuqi, për herë të parë në treg aplikohet edhe sistemi bonus-malus, ku një shofer pa aksidente mund të përfitojë ulje të primit të sigurimit, ndërsa ai me historik dëmesh paguan më shumë.
